ഈ കഥ കേൾക്കാൻ ഇരിക്കുന്നവർക്ക് ഒരുപാടു ജോലിത്തിരക്ക് ഉള്ളവരാണെന്ന് നന്നായറിയാം, ചിലർക്ക് ബിസിനസ്സിനിടയിലെ ചെറിയ സമയമായിരിക്കാം ഇത്. ചിലർക്കോ ഒഴിവു സമയം ഇന്റർനെറ്റ് കഫേയിൽ ചാറ്റിങ്ങിനുള്ള വിലപ്പെട്ട സമയവും ,മറ്റു ചിലർക്കോ വർക്കിനിടയിൽ കിട്ടിയ അൽപ സമയം.....
കഥകൾ പലതരത്തിലും നമ്മൾ കേട്ടിട്ടുണ്ടാകും, സങ്കടത്തിന്റെയും, സന്തോഷത്തിന്റെയും, പ്രണയത്തിന്റെയും, അടിപിടിയുടെയും, ജോലികളുടെയും അങ്ങിനെ ഒരുപാട് ......
ജീവിതത്തിൽ കഥകൾ കേൾക്കാത്തവർ ഉണ്ടാവില്ല, ചിലപ്പോൾ ചിലരുടെ ജീവിതം തന്നെ നല്ലൊരു കഥയായിരിക്കാം...! സഹനത്തിന്റെയും വേർപാടിന്റെയും വിചിത്രമായ പല കഥകളുടെ കൂട്ടുകൾ തന്നെ ഉണ്ടാകും .....!
എന്നാൽ ഈ കഥ ഒരു രാജാവിന്റെ കഥയാണ്. .രാജാവ് നല്ലവനോ ചീത്തയോ എന്നത് സ്വഭാവം അനുസരിച്ചല്ലേ അറിയൂ , എന്നാൽ ആ സ്വഭാവം എന്താണെന്നു എനിക്കറിയില്ല. അപ്പൊ നല്ലവനോ ചീത്തയോ തീരുമാനിക്കേണ്ട ബുദ്ധിമുട്ട നീങ്ങി കിട്ടി.
എന്നാൽ രാജാവിനു നായാട്ടിനു പോകുന്ന ഒരു സ്വഭാവമുണ്ട്. ചിലതൊക്കെ കിട്ടാറുമുണ്ട് , കിട്ടിയില്ലെങ്കിലും പ്രശ്നമില്ല. രാജാവ് സഹിച്ചോളും...
അന്നൊരു ദിവസം വൈകിട്ട് രാജാവ് നായാട്ടിനു പോകാൻ തീരുമാനിച്ചു. എന്നാൽ തലേ ദിവസം ഒന്നും കിട്ടാതെ മടങ്ങി വരുമ്പോൾ പ്രജകൾ "ഇന്നും ഒന്നു പോലും കിട്ടാതെ മടങ്ങേണ്ടി വന്നു അല്ലെ " എന്ന് ചോദിച്ചിരുന്നു . ആയതിനാൽ രാജാവ് ഇന്ന് ഒറ്റയ്ക്ക് പോകാൻ തന്നെ തീരുമാനിച്ചു . മന്ത്രിയും റാണിയും ഒക്കെ ഒറ്റയ്ക്ക് പോകേണ്ട എന്ന് പറഞ്ഞു . രാജാവ് കേട്ടില്ല .
തന്റെ കുതിരയേയും കൊണ്ട് രാജാവ് വനത്തിലേക്ക് കയറിപ്പോയി.... സമയം ഒരുപാടായി രാജാവിനെ കാണുന്നില്ല. കുറച്ചു കൂടി കാത്തിരിക്കാം അല്ലെ ....?
അവർ രാജാവിനെ കാത്തിരിക്കാൻ തുടങ്ങി ...
...
..
ഇനി രാജാവ് വന്നിട്ട് ബാക്കി കഥ പറയാം അല്ലെ ...?
രാജാവ് വരാതെ കഥ മുഴുവനാക്കാൻ കഴിയില്ല , പിന്നെ കുറച്ച് ജോലിയും ഉണ്ട് . അത് കൊണ്ട് മതിയാക്കുന്നു .........
(ദേഷ്യം പിടിക്കരുത് .. എനിക്ക് ഇങ്ങനെയൊക്കെ അറിയൂ...കഥ എഴുതാനൊന്നും അറിഞ്ഞൂടാ )
